Pappaperm i vesterlei

[Døsen]

Velferdsstaten har sine pluss og minus, eit av dei heiter pappaperm. For min del skal den "arrangerast" på Nordvestlandet fram til starten på juli, noko som inneber ein og annan snartur med fiskestonga.

Følgjeleg er tanken at denne tråden skal nyttast til sporadiske oppdateringar av ver og fangst; sporadiske all den tid verdsveven ikkje har kome til huset yst i leia. Det er heller ikkje umogeleg at Vabein kjem til å leggje inn ei oppdatering eller to når han for alvor kjem i gong med havfiske.

I går og i dag har det blitt eit par timar totalt etter sjøauren i Gloppefjorden. Brukbart med fisk i talet, men sørgjeleg smått. Jentungen har fått ein på fatet, resten har blitt sett ut att.

I morgon går turen til Husevåg. Oppdatering følgjer.